Қытай алғаш рет Марсқа жетті
Сенбіде Қызыл планетаға «Тяньвэнь-1» ғарыш кемесі сәтті қонды.
Ол былтыр шілдеде Хайнан аралындағы Вэньчан ғарыш айлағынан ұшырылды. Ал биыл ақпанның соңында Марстың орбитасына кірді. Миссияның басты мақсаты – Қызыл планетада өмір белгілерін табу. Айта кетейін, алғаш рет Марсқа совет аппараты 1971 жылдың желтоқсанында қонған еді. Алайда шаңды дауылдың салдарынан аппаратпен байланыс 20 секунд қана жалғасты.
