Алматы шетелдіктер үшін әлемдегі ең арзан қалалардың тізіміне енді
227 қала кірген Cost of Living City Ranking тізімінде Алматы 219 орында тұр. Рейтинг әлемдегі ең қымбат қалалардан басталып, ең арзанымен аяқталады.
Алматы тізімдегі жалғыз қазақстандық қала. Өмір сүру деңгейі арзан қалалардың қатарында Ташкент, Бішкек және Анкара тұр. Сондай-ақ, айтарлықтай материалдық шығындарсыз шетелдіктер Ыстамбұл, Тбилиси және Тунисте жұмыс істей алады. Ал әлемдегі ең қымбат қала – Гонконг. Тізімдегі келесі төрт орында Швейцария қалалары жайғасты: Цюрих, Женева, Базель және Берн.
