Баян Алагөзованың фильмі Берлин кинофестивалінің конкурстық бағдарламасына кірді
Жақсы жаңалықпен танымал продюсер өз Инстаграм парақшасында бөлісті.
«Бақыт» атты картинада тұрмыстық зорлық-зомбылыққа ұшыраған әйелдердің тағдыры баяндалады. Баян Алагөзова оны түсіру үшін былтыр краудфандинг жариялаған болатын және ерікті түрде қаражат бөлген қазақстандықтарға алғысын білдірді. «Бақыт» фильмі прокатқа биыл көктемде шығады. Айта кетейік, бұдан бұрын 72-ші Берлин кинофестивалінің бағдарламасына қазақстандық «Ақын» фильмінің кіргені туралы хабарланған болатын. Берлин кинофестивалі ақпанның 10 мен 20-сы аралығында өтеді.
