819 мың теңге: Ресейде жаңа iPhone 13 алу үшін кезектегі орындар сатылымға қойылды
Кезектегі орынның бағасы 140 мың рубль, немесе 819 мың теңгеге жетеді. Яғни гаджеттің өзінен екі есе қымбатқа түспек.
Ерекше ұсыныс Мәскеудегі онлайн-платформалардың бірінде пайда болды.
«Жаңа iPhone 13 үшін кезекте тұрмын. 21.09 түнеумен бірге кезекте тұру бағасы 140 мың рубль, 22.09 — 110 мың рубль, 23.09 — 80 мың рубль»,
— деп жазылған хабарламада. Одан арзанырақ ұсыныстар да бар. Мысалы, Иван деген жігіт тәулік бойы iPhone 13-ті күзеткені үшін 40 мың рубль сұрап отыр. Еске салайық, жаңа iPhone сатылымға 24 қыркүйекте шығады.
Дереккөз: РенТВ
